ცვლის ანგარიში - გვაწვდის ინფორმაციას აგს-ზე განხორციელებული საწვავის მოძრაობის შესახებ, რომელიც ავტომატურად აისახება ApexFuelStation-ში შესრულებული ოპერაციების მიხედვით ცვლის დახურვის შემდეგ (საწვავის რეალიზაცია ტალონებით და საწვავის რეალიზაცია ბარათებით). დახურულ ცვლაში შესაძლებელია ფორმაში დამატებითი ინფორმაციის შეტანა, რომელიც არ სრულდება ApexFuelStation-ში (მაგ: საწვავის შემოსავალი, საწვავის გადაადგილება, საწვავის რეალიზაცია ნაღდი და უნაღდო ანგარიშსწორებით). 

ბრძანების გამოყენების შედეგად ეკრანზე განთავსდება შემდეგი სახის ფორმა: 

ფორმის ზედა მარცხენა ნაწილში მოცემულია ცვლის გახსნის და დახურვის თარიღები; 

ფორმის ქვედა მარცხენა ნაწილში მოცემულია საწვავის სახეობები; 

ფორმის მარჯვენა ნაწილში მოცემულია ცვლის განმავლობაში საწვავის სახეობის მიხედვით განხორციელებული ქმედებები (ინფორმაცია გამოდის რაოდენობრივად, მაგალითად რამდენი ლიტრი საწვავი გაიყიდა მოცემულ ცვლაში მრიცხველების ამონაწერის მიხდვით და სხვ.). 

ფორმაში მოქმედებს ბრძანებები:

• განახლება - არის პროგრამისთვის დამახასიათებელი სტანდარტული ბრძანება, რომელიც გვხვდება სხვადასხვა მოდულის მენიუს ზოლში. მისი გამოყენებით ხდება იმ ფორმის განახლება (სასურველი ინფორმაციის გამოტანა), რომელშიც იმყოფება მომხმარებელი;
• რედაქტირება - ბრძანება აქტიურია და გამოიყენება დახურული ცვლის შემთხვევაში. მისი დანიშნულებაა ცვლის ჭრილში გახორციელებული ქმედების ამსახველი მონაცემების პროგრამაში შეყვანა. ბრძანების გამოყენებით აქტიურდება ფორმის მარჯვენა ნაწილი:

ფორმის ზედა ნაწილში მოცემულია ინფორმაცია საწვავის მოძრაობის შესახებ (ცვლის ჭრილში), რედაქტირებადი გრაფები მოცემულია განსხვავებული ფერით, რომლის შეტანაც ხდება ხელით, ხოლო რეალიზაცია ტალონებით და რეალიზაცია ბარათებით ავტომატურად აისახება ApexFuelStation-ის მიხედვით და მასში ცვლილების შეტანა შეუძლებელია. 

მათ შორის მრიცხველებით - გრაფაში ინფორმაცია ამოდის ApexFuelStation-დან, ცვლის დახურვის დროს შეყვანილი ინფორმაციის საფუძველზე (ამოდის სხვაობა ცვლის გახსნისა და ცვლის დახურვის ჩვენებებს შორის); 

გადაადგილება (გასავალი) - ივსება იმ შემთხვევაში, თუ მოხდა საწვავის გასავლის ოპერაცია; 

სხვა - გამოიყენება სხვა ტიპის (რომელიც არ არის შევსებული ზემოთ მოცემულ სხვა სტრიქონებში) შემოსავლებისა და გასავლების მისათითებლად.

• ფასების რედაქტირება - ფორმაში შეტანილი ფასები გამოიყენება დამატებითი ანალიზური ინფორმაციისთვის და არ მოქმედებს აგს-ში ფასების ცვლილებაზე, შესაბამისად ბრძანება აქტიურია, როგორც დახურული ცვლის, ასევე აქტიური ცვლის შემთხვევაში და უზრუნველყოფს საწვავის ფასების რედაქტირებას ფილიალის ჭრილში.

ფორმაში მოქმედებს შემდეგი ბრძანებები: 

შენახვა - ბრძანების გამოყენებით შეიცვლება საწვავის ფასი ცვლის მიხედვით; 

გასვლა - ბრძანებით უქმდება დარედაქტირებული ჩანაწერები, შესაბამისად საწვავის ფასის ცვლილება არ ხდება.

• ინსტრუმენტები;
• გასვლა - ბრძანება უზრუნველყოფს ფორმიდან "ცვლის ანგარიში" გასვლას.