პროგრამაში შესასვლელად ”Desktop”-ზე აირჩიეთ პიქტოგრამა და დააჭირეთ ”Enter”-ს ან მაუსის მარცხენა ღილაკს დააჭირეთ ორჯერ. შედეგად ეკრანზე გამოვა ფანჯარა: 

 

ფანჯარას აქვს ორი გრაფა:

• User Name - გრაფა განკუთვნილია პროგრამაში მომხმარებლის სახელის შესაყვანად;
• Password - გრაფა განკუთვნილია სისტემაში მომხმარებლის პაროლის შესაყვანად.

პროგრამაში შესასვლელად დააჭირეთ ”Enter”-ს ან მაუსის მარცხენა ღილაკით დააჭირეთ Ok-ს. 

ფანჯარაში, ასევე, გვხვდება ღილაკი More details. ღილაკზე დაჭერით დამატებით გამოჩნდება სერვისის მისამართის ასარჩევი ველი: 

 

Service Address-ის არჩევა ხდება ჩამოსაშლელი ღილაკის დახმარებით, ხოლო თუ საჭიროა მისი რედაქტირება, დამატება ან წაშლა, მაშინ გამოიყენეთ ჩამოსაშლელი ისრის გვერდით განთავსებული რედაქტირების ღილაკი. ეკრანზე გამოვა ფანჯარა "სერვისის მისამართები": 

 

ფანჯარაში განთავსებულია ბრძანებები:

• არჩევა - ბრძანების გამოყენებით შეგვიძლია ავირჩიოთ სერვისის სასურველი მისამართი, თუ სერვისების მისამართების ჩამონათვალში უკვე დამატებული გვაქვს რამდენიმე მისამართი (ღილაკი აქტიურია, თუ უკვე გვაქვს დამატებული ერთი მისამართი მაინც. სხვა შემთხვევაში მხოლოდ დამატების ბრძანებაა აქტიური);
• დამატება - ბრძანება გამოიყენება ახალი ჩანაწერის დასამატებლად:

 

მოცემულ ფანჯარაში ვუთითებთ ორგანიზაციის დასახელებას და სერვისის (იმ სერვერის მისამართს, სადაც განთავსებულია პროგრამის სერვისი) მისამართს.

• რედაქტირება - ბრძანება გამოიყენება დამატებული ჩანაწერის რედაქტირებისთვის (მაგ: თუ შეიცვალა სერვერის მისამართი, პროგრამაში შესვლამდე დავარედაქტირებთ სერვისის მისამართსაც);
• წაშლა - ბრძანება გამოიყენება დამატებული ჩანაწერის წასაშლელად;
• გასვლა - ბრძანებით ხდება დიალოგური ფანჯრის დახურვა.