ფასების დადგენა (ფილიალი) არის მოდულის საქონლის ბრძანება (საქონელი => ფასების დადგენა (ფილიალი)), რომლის დანიშნულებაა საქონელზე ცენტრალიზებული წესით დადგენილი საცალო ფასებისაგან განსხვავებული ფასების დაგენა ფილიალის დონეზე. ბრძანება ამარტივებს გასაყიდი ფასების დადგენას ფილიალებისათვის. ფორმაში საშუალება გვაქვს ამოვირჩიოთ კონკრეტული კატეგორიის, კონკრეტული მომწოდებლის ან კონკრეტულ საწყობში არსებული საქონელი, შევცვალოთ გასაყიდი ფასები ან დავგეგმოთ ფასების ცვლილება გარკვეული პერიოდისათვის. 

ფასების დადგენა ფილიალის დონეზე შესაძლებელია მხოლოდ იმ საქონელზე, რომელთაც სვეტიდან "მართვადი" ამორთული აქვს ღილაკის ჩამრთველი ალამი, მისი ჩართვა-გამორთვა შესაძლებელია "ფასების დადგენა (სათაო ოფისიდან)" რედაქტირების ბრძანებით, აღნიშნულ ბრძანებაზე დაჭერით აქტიურდება დასარედაქტირებელი სვეტები. ჩანაწერის სტრიქონი, რომლზეც განხორციელდა რაიმე ცვლილება მიიღებს წითელ ფერს. ფასების ცვლილების სისტემაში დასაფიქსირებლად ვაჭერთ ბრძანებას "შენახვა", მოქმედებების შესრულების შედეგად ეკრანზე გამოვა დიალოგური ფანჯარა "აირჩიეთ ფილიალები", ფილიალის არჩევის შედეგად, ცვლილებებს ვინახავთ შენახვის ბრძანებით, შესაბამისად მონიშნულ ფილიალებში განხორციელდება ცვლილებები, რის შემდეგაც ფანჯარა დაიხურება და აქტიურდება ბრძანება "დაბრუნება" მასზე დაჭერით ვბრუნდებით საწყის ფორმაში. ფორმიდან შესაძლებელია როგორც კონკრეტული ფასმაჩვენებლის, ასევე ფასების უწყისის ბეჭდვა ბრძანებიდან "ბეჭდვა". 

ბრძანების ღილაკზე დაჭერით ეკრანზე გამოდის ფორმა „საქონლის ფასების შეცვლა“: 

 

 

ფორმას ცხრილის ზემოთ აქვს შემდეგი გრაფები, რომლებიც თავის მხრივ ფილტრის საშუალებას წარმოადგენენ:

• კატეგორია (Combo box)-ირჩევენ საქონლის კატეგორიას;
• მომწოდებელი (Combo box)-ირჩევენ მომწოდებელს;
• საწყობი (Combo box)-ირჩევენ იმ საწყობს რომლის საქონელზეც ხდება ფასების დადგენა;
• შტრიხკოდი (Combo box)-გრაფაში იწერება შტრიხკოდი ან იგი შეაქვთ სკანერით;
• შიდა № (Combo box)-ირჩევენ საბუთის შიდა ნომერს;
• გარე № (Combo box)-ირჩევენ საბუთის გარე ნომერს;
• შემოსავლის შუალედი;
• ფასის ცვლილების შუალედი-ირჩევენ შუალედს, რომელ შუალედშიც აინტერსებთ ფასების ცვლილება, ამ დროს ფორმაში დარჩება მხოლოდ ის საქონელი, რომლებსაც არჩეულ შუალედში შეეცვალათ ფასები;

ფორმაში მოქმედებების შესრულება შესაძლებელია მენიუს ბრძანებების გამოყენებით:

• განახლება;
• მონიშვნა, ინვერსია, მოხსნა;
• ბოლო ცვლილება-ბრძანებით ცხრილში მოინიშნება (გაყვითლდება) ის სტრიქონები, რომელზეც ბოლოს განხორციელდა ცვლილებები;
• ავტომატური;
• დიზაინერი;
• ბეჭდვა-ბეჭდავს ცხრილში "ფასის დადგენა" აქტიური საქონლის შტრიხკოდს;
• ექსპორტი ბეჭდვაზე-ბრძანებით ეკრანზე გამოდის ფორმა "შტრიხკოდი", სადაც გადატანილი იქნება ცხრილში "ფასის დადგენა (ფილიალი)" მონიშნული შტრიხკოდები;
• რედაქტირება-ბრძანებით მის ადგილზე ჩნდება ბრძანება "დაბრუნება", ცხრილში ერთდროულად აქტიურდება ფასების და ამონაგების % სვეტების ის სტრიქონები რომელთა გასწვრივ სვეტში "მართვადი" ამორთულია ღილაკები (ღილაკის ამორთვა ხდება ფორმაში "ფასების დადგენა (სათაო ოფისიდან)"):

 

ფასების ცალკეულ სვეტში (ფასი (ლ), ფასი (პ)) ცვლილების შეტანის შედეგად ავტომატურად იცვლება მონაცემები ფასების მეორე სვეტში და ამონაგების %-ის სვეტებში. მომხმარებელს შეუძლია წინასწარ დაგეგმოს ამონაგების სიდიდე (ამონაგების %-ის სვეტში შეიტანოს სასურველი განაკვეთები) და ფასების სვეტები ავტომატურად შეივსება. 

შეტანილი ცვლილებების გაუქმება შენახვამდე შეიძლება კონტექსტური მენიუდან, როგორც ერთდროულად (ბრძანება "გაუქმება"), ისე ცალ-ცალკე ბრძანებით "მიმდინარე ჩანაწერის გაუქმება". 

ცხრილის სვეტებში ცვლილებების შეტანის შემდეგ ბრძანება "დაბრუნება" ჰკარგავს აქტიურობას, სამაგიეროდ აქტიურდება შემდეგი ბრძანებები:

• შენახვა-ბრძანებით შესრულდება მანამდე შესრულებული ყველა მოქმედების შედეგების შენახვა და გააქტიურდება ბრძანება "დაბრუნება"
• გაუქმება;
• გასვლა.

ფორმაში შეიძლება კონტექსტური მენიუს გამოძახებაც, რომელსაც მთავარი მენიუს ბრძანებებთან ერთად დამატებით აქვს შემდეგი ბრძანებები:

• დარედაქტირებული-ბრძანებით ცხრილში დარჩება მხოლოდ დარედაქტირებული საქონელი;
• ყველა ჩანაწერი-ბრძანება მენიუში იკავებს "დარედაქტირებულის" ადგილს, მისი გამოყენებით ცხრილში გამოჩნდება ყველა ჩანაწერი;
• ანალიზი.

 

იხილეთ აგრეთვე: 

 

ცხრილი (Grid), ფასების დადგენა.