დღგ-ს ჩათვლა არის მოდულის "ბუღალტერია" მენიუს ბრძანება (ბუღალტერია => დღგ–ს ჩათვლა), რომლის დანიშნულებაა დღგ-ის ჩათვლის ოპერაციის შესრულება. 

ოპერააციის გამოყენება საკმაოდ მოსახერხებელია იმ შემთხვევაში, როდესაც შეძენის ოპერაცია განხორციელებულია, მაგრამ ანგარიშ-ფაქტურა მოგვიანებით იქნა მიღებული. პროგრამაში გვაქვს ჩასათვლელი დღგ-ს ორი ანალიზური ანგარიში (მაგ: 3340000100 და 3340000200). პირველი ანალიზური ანგარიში გამოიყენება, როდესაც გვაქვს დღგ-ს ჩასათვლელი თანხა, მაგრამ ჩათვლა ჯერ არ განხორციელებულა ჩათვლის დოკუმენტის არქონის გამო. ანგარიშ-ფაქტურის მიღების შემდეგ კი დღგ-ს თანხას ვითვლით მეორე ანალიზურ ანგარიშზე. (მაგ: შეძენილია საქონელი და ჩასათვლელი დღგ-ს თანხამ შეადგინა 500 ლ. ფაქტურა არ არის მიღებული. ამიტომ ეს თანხა გატარდება: დ 3340000100 კ 3110000100 (500ლ.), ხოლო ანგარიშ-ფაქტურის მიღების შემდეგ ვასრულებთ დღგ-ს ჩათვლის ოპერაციას, რის შედეგადაც მივიღებთ ბუღალტრულ გატარებას: დ 3340000200 კ 3340000100 (500ლ). როგორც ვხედავთ დღგ-ს თანხა პირველი ანალიზური ანგარიშიდან გადმოტანილი იქნა მეორე ანალიზურ ანგარიშზე). თუ საქონლის შეძენის ოპერაცია სისტემაში ასახულია პროექტის (fx) ნიშნით დღგ-ს ჩათვლის საშულაებას სისტემა არ მოგცემთ. 

დღგ-ს ანალიზური ანგარიშები, თვის ბოლოსათვის ნათელ სურათს გვაძლევს იმის მიხედვით, თუ რამდენია მთლიანად დღგ-ს ჩასათვლელი თნხა და რამდენი შეგვიძლია ჩავითვალოთ დოკუმენტების საფუძველზე. 

"დღგ-ს ჩათვლა" ბრძანების გამოყენების შედეად, ეკრანზე გამოვა ფორმა "დღგ-ს ჩათვლილი ოპერაციები": 

 

ფანჯრის მენიუს სვეტში არის თარღის ელემენტი, საიდანაც ხდება დღგ-ის ჩათვლის გატარების თარიღის არჩევა და დღგ-ს ანგარიშთა სვეტები:

1. ანგარიში 1 (დღგ-ს ანგარიშის ნომერი დარიცხვის დროს);
2. ანგარიში 2 (დღგ-ს ანგარიშის ნომერი, რომელზეც ჩათვლა არ განხორციელებულა);
3. ანგარიში 3 (დღგ-ს ანგარიშის ნომერი ჩათვლილი ანგარიშ-ფაქტურებისათვის).

სამივე სვეტში ჩაწერილია დღგ-ს ანალიზური ანგარიშები, რომლებიც არ იცვლებიან, ისინი შეყვანილია სისტემაში ადმინისტრირების მოდულიდან (ადმინისტრირება => კომპანიის რეკვიზიტები => ჩანართი "სპეციალური ანგარიშები"). 

ფორმას აქვს დროის შუალედის ასარჩევი ელემენტი, რომელსაც მარცხნივ აქვს ალამი. ალმის ამორთვის შემთხვევაში ფორმაში გამოჩნდება ყველა ჩათვლილი და ჩასათვლელი დღგ. 

ფანჯრმაში მოქმედებების შესრულება შესაძლებელია მენიუს ბრძანებებით:

• განახლება;
• მონიშვნა, ინვერსია, მოხსნა;
• რედაქტირება-რედაქტირების ბრძანების გამოყენებით იგი გარდაიქმნება ბრძანებად "შენახვა" და პარალელურად გააქტიურდება ფორმაში სვეტის "მიმდინარე ჩათვლა" შესაბამისი სვეტები. სვეტებში იწერება დღგ-ის ჩასათვლელი თანხები, სტრიქონებს შორის გადაადგილება ხორციელდება კლავიატურის ისრების საშუალებით. თუ დღგ-ის კონკრეტული თანხა ექვემდებარება სრულად ჩათვლას, მაშინ ვიძახებთ კონტექსტურ მენიუს და მის ბრძანებაზე „მონიშნულების გადატანა“ მაუსის დაჭერით ჩასათვლელი დღგ-ის მთლიანი თანხა გადაიტანება სვეტში „მიმდინარე ჩათვლა“. ცხრილში სტრიქონების სრულად მონიშვნა შეიძლება როგორც მთავარი მენიუდან ისე კონტექსტურიდანაც, ხოლო თუ გვინდა შერჩევით მონიშვნა, მაშინ ვიყენებთ Space-კლავიშს. "შენახვა" ბრძანების გამოყენებით სისტემაში შესრულდება შესაბამისი გატარებები.

დღგ-ის ჩათვლის ოპერაციის შესრულების შემდეგ ბრძანება "შენახვის" ადგილზე კვლავ გამოჩნდება ბრძანება „რედაქტირება“.

• შენახვა;
• ბლოკირება-ბრძანება აქტიურია მხოლოდ მაშინ, როცა მენიუში გვაქვს ბრძანება „შენახვა“. მისი გამოყენებით ხდება ჩანაწერის ბლოკირება;
• ბლოკის მოხსნა-ბრძანება აქტიურია მხოლოდ მაშინ, როცა მენიუში გვაქვს ბრძანება „შენახვა“. მისი გამოყენებით ხდება ჩანაწერზე ბლოკირების მოხსნა;
• გაუქმება-ბრძანება აქტიურია მხოლოდ მაშინ, როცა მენიუში გვაქვს ბრძანება „შენახვა“. მისი გამოყენებით ხდება შენახვამდე შესრულებული მოქმედებების გაუქმება, ხოლო ბრძანება „შენახვა“ გარდაიქმნება ბრძანებად „რედაქტირება“.
• გასვლა.

ფორმაში „დღგ-ს ჩათვლა“ მოქმედებები შეიძლება შესრულდეს კონტექსტური მენიუს დახმარებითაც. 

დღგ-ის ჩათვლის ოპერაციის ბურალტრული გატარებების ნახვა შესაძლებელია „გატარებულ საბუთებში“. 

 

იხილეთ აგრეთვე: 

 

ცხრილი (Grid).